Монголын Практик Буудлагын Холбоонд гишүүнээр элсэхэд дараах шаардлагыг хангасан байна. Үүнд:
- Гэмт хэрэгт холбогдож байгаагүй
- Сэтгэцийн хувьд эрүүл байх
- Ямарваа мансууруулах, донтуулах бодисын нөлөөнд автаагүй, тогтмол хэрэглэдэггүй, аливаа хорт зуршилгүй байх (үүнд архи, согтууруулах ундаа мөн хамаарна)
- Харилцааны болон ёс зүйн хувьд зөв хүмүүжил, төлөвшилтэй байх
- Хуульд заасан бусад шаардлагыг хангасан байх.
МПБХ-нд гишүүнээр элсэхийн тулд нэн тэргүүнд анхан шатны сургалтад суусан байна. Анхан шатны сургалт нь зэвсгийн төрөл тус бүрийн хувьд өөр өөр байдаг. Иймд холбоонд гишүүнээр элссэн ч гэсэн анхан шатны сургалтад хамрагдаагүй, эрх нь нээгдээгүй төрлөөрөө тэмцээнд оролцохыг хориглодог.
Холбоонд гишүүнээр элссэнээр дараах үүрэг хариуцлагыг хүлээнэ. Үүнд:
- Холбооны дотоод журамд заасан шаардлагыг биелүүлнэ.
- Жилд 2-оос цөөнгүй удаа холбооноос зохион байгуулж байгаа сургалт, тэмцээнд оролцоно.
- Гэмт хэрэгт холбогдох ёсгүй.
Дээрх бүх шалгуур, шаардлагыг биелүүлж чадах бол та манай холбоонд гишүүнээр элсэж болно. Практик буудлагын спортыг сонгосонд талархал илэрхийлье. Тавтай морил!