2017 оны 1-р сарын 14-ний Бямба гаригт МПБХ-ны Төв клубын буудлагын талбай дээр карабины төрлөөр практик буудлагын тэмцээн амжилттай зохион байгуулагдлаа.
Долоо хоног бүр болдог цуврал тэмцээнүүд нь тус холбооны байнгын дасгал сургуулилт, бэлтгэлийн үндсэн хэлбэр юм.
Нэгдүгээр дасгал нь 12 сумны дасгал байсан.
Тус дасгалын хувьд хамгийн цэцэн буудагч нь Б.Тамир байсан бол хамгийн богино хугацаанд дасгалаа гүйцэтгэсэн буудагч нь Х.Тэмүүжин байжээ.
Хоёрдугаар дасгал нь 18 сумны дасгал байв.
Хоёр дахь дасгалын хувьд хамгийн цэцэн буудагч нь Х.Тэмүүжин байсан бол хамгийн богино хугацаанд дасгалаа гүйцэтгэсэн нь О.Пүрэвжамц байв.,
Практик буудлагын спортын оноо тооцох зарчим ёсоор тухайн дасгалын үед авсан оноог гүйцэтгэсэн хугацаанд хувааж Hit Factor-ыг гаргадаг. Улмаар тухайн дасгалд хамгийн өндөр үзүүлэлт (hit factor) бүхий тамирчныг 100%-ийн амжилт үзүүлсэн гэж тооцож тухайн дасгалд цуглуулбал зохих оноо (point)-г бүрэн олгодог. Дараа дараачийн тамирчдын үзүүлэлтийг эхний тамирчны үзүүлэлтээс пропорцлон тооцож, амжилтын хувь (stage percent)-ийг тодорхойлох бөгөөд улмаар тухайн дасгалаас цуглуулах боломжит нийт оноог амжилтын хувиар нь үржүүлэн тооцож тухайн тамирчны оноог тодорхойлдог. Ийнхүү дасгал бүрээр цуглуулсан оноог нэгтгэн нийлбэр оноогоор эцсийн дүнг тодруулдаг юм.
Ингээд эцсийн дүнг гаргахад энэ удаагийн сургалт-дадлага-бэлтгэл-тэмцээнд оролцсон 6 буудагчаас Х.Тэмүүжин түрүүлж, 2-р байранд Б.Тамир, 3-р байранд О.Пүрэвжамц орлоо. Анхны тэмцээндээ орсон шинэхэн гишүүн Б.Баярмаагийн хувьд харьцангуй туршлагатай буудагчдыг ардаа орхисон нь түүнд боломж байгааг харуулсан юм.
МОНГОЛЫН ПРАКТИК БУУДЛАГЫН ХОЛБОО 